Бу күннэргэ, о.э. олунньу 9-12 күннэригэр улуус киинигэр харах балыыһатыттан эпэрээссийэлиир быраас уонна сиэстирэ кэлэллэр.
» 30 киһини бэлэмнээбиппиттэн, ахсынньыга мобильнай быраастап кэлэ сылдьан көрөннөр, 22 киһи эпэрээссийэҕэ уруутаан наардааһыны ааспыта. Бу катаракта харах ыарыытын араас формалаахтар. Кустууртан 8, Дьарҕаалаахтан биир, уоннааҕылар улуус киинин олохтоохторо. 14 киһи икки хараҕар эпэрээссийэ ааһыахтаахтар. Үксэ аҕам саастаахтар уонна 2 эдэр дьон бааллар. Биир эдэр киһи төрүөҕүттэн катаракта ыарыылаах, иккиһэ эчэйии кэннэ хараҕынан моһуогурбут. Маннык миэстэтигэр кэлэн сөптөөх медицинскэй өҥөнү оҥороллоро олус үчүгэй. Айан-сырыы да ыарахана сүрдээх, « — диэн харах кабинетын фельдшера Сахаяна Слепцова кэпсээтэ. Маны тэҥэ, оҕо доруобуйатын чинчийэр мобильнай быраастар, ол кэннэ тиис биригээдэлэр кэлиэхтээхтэр, диэн киин балыыһа кыл. бырааһа Георгий Бочкарев иһитиннэрдэ.
Яна Рожина