Бу күннэргэ тохсус уонна уон биирис кылаастар үөрэнээччилэригэр эппиэтинэстээх күннэр – сүрүн судаарыстыбаннай эксээмэннэри туттарыы тиһиктээхик ыытыллар. Эбээн Бытантай национальнай улууһугар эксээмэннэри туттарыы хаамыытын улуустааҕы үөрэх салалтатыттан Анна Мохчогорова иһитиннэрдэ.
- Бэс ыйын 5 күнүгэр, биһиги улууспут тохсус кылааһын үөрэнээччилэригэр Сүрүн судаарыстыбаннай эксээмэн (ОГЭ) саамай маассабай күннэриттэн биирдэстэрэ ыытыллыбыта. Выпускниктар бэйэлэрэ талбыт бириэмиэттэрин — түмүктүүр дисциплиналары туттараллар. Булгуччулаах нуучча тылыттан уонна математикаттан ураты бары хайысхалары хапта. Хас биирдии оскуола эксээмэннэри ыытар пууннарыгар ирдэбил уонна график быһыытынан кытаанахтык бара турар. Сүрүн судаарыстыбаннай эксээмэн (ОГЭ) хаамыытын уопсастыбаннай кэтээн көрөөччүлэр кэтииллэр. ОЛ курдук, биологияны саамай элбэх оҕо талла -11 оҕо туттарда. Мантан 10 үөрэнээччи Саккырырыыр орто оскуолатыттан уонна 1 үөрэнээччи Дьарҕалаах орто оскуолатыттан. Физиканы Саккырырыыр орто оскуолатыттан 3 үөрэнээччи. Историяны эмиэ Саккырырыыр орто оскуолатыттан 3 выпускник. Химияны уонна обществознаниены Кустуур орто оскуолатыттан биирдии үөрэнээччи туттараллар. Бүгүн, ол эбэтэр бэс ыйын 8 күнүгэр уон биирис кылааһы бүтэрээччилэр сүрүн биримиэти- математиканы туттараллар.
Бары оҕолорго бэйэ билиитигэр эрэллээх буолууну уонна талбыт үрдүк бааллары баҕарабыт!