Арассыыйаҕа Дьиэ кэргэн, Саха сиригэр Оҕо саас сылларын чэрчитинэн «Родные- любимые» фестиваль муниципальнай түҺүмэҕин иитинэн «Мама, папа и я» спортивнай күрэх бэрт сэргэхтик буолан ааста.
Күрэххэ 6 дьиэ кэргэн күөн көрүстүлэр — Аммосовтар, Ивановтар, Слепцовтар, Кривошапкиннар, Стручковтар уонна Сыроватскайдар. Хас биирдии күрэх тыҥааҺыннаахтык, кыайыы иҺин киирсии аргыстаах ааста. 
Сэргэх түһүмэхтэрдээх күрэх түмүгүнэн Лаура, Павел Ивановтар дьиэ кэргэттэрэ муҥутуур кыайыылаах буоллулар!
Бары кыттааччылар спонсордартан — улуус баһылыгын Иннокентий Стручков, «Аартык», «ТотАс», «Норд Аппетито» бириистэрин туттулар. Ону тэҥэ «Бастакылар хамсааһыннара» туспа бириистэри — хамсааҺын лейбллаах бэргэһэлэр, футболкалар, жилеттар уонна курткалары үөрүүлээх түгэҥҥэ бэлэх ууннулар.
Бэлиэтээн эттэххэ, бу фестиваль дойдубутугар оҕо уонна ыччат сүрүн хамсааҺыннарын — «Бастакылар хамсааһыннара» көҕүлээҺининэн ыытыллар.
Яна Рожина