«Гарпан» этнокултуурунай кииҥҥэ Комсомол күнүгэр аналлаах «Кэрэ кэм кэрэһитэ» диэн Түгэһиир нэһилиэгин коллекционердарын быыстапкалара буолла. Бу сүрдээх интэриэһинэй тэрээһин туһунан этнокултуурунай киин дириэктэрэ Раиса Старостина кэпсээтэ.
«Быыстапкаҕа сэдэх, олус элбэх, эксклюзивнай, баай кэллиэксийэлэр турдулар. Кэлбит дьон-сэргэ олус сэргээн, сөҕөн-махтайан бардылар.
Нэһилиэкпит киэн туттар коллекционердара Колесова Мария Ильинична, Колесова Ньургуйаана Еремеевна, Портнягина Ирина Михайловна, Васильева Елена Егоровна, Аммосова Мария Ивановна, Карманова Мария Сергеевна, Архипова Анастасия Павловна, Захарова Альбина Петровна бэйэлэрин кэллиэксийэлэрин нэһилиэнньэҕэ көрдөрөн улахан сэҥээриини ыллылар. Бу кинилэр өр сылларга муспут кэллиэксийэлэрэ сылын ахсын элбээн, хаҥаар иһэр, бу эмиэ сыралаах үлэттэн тахсар.
Бар дьоммутугар үөрүүнү бэлэхтээбит, эрчимнээх эдэр саастарын санаппыт коллекционердарбыт дипломнарынан, сэмэй бэлэхтэринэн наҕараадаланнылар». 
