Жителям арктических районов Якутии начнут помогать со строительством частных домов

Бу күннэргэ Ил Дархан Айсен Николаев арктическай улуустарга дьиэ тутуутун матырйыаалларын тиэйиигэ өйөбүл туһунан дьаһалын уһук хот улуус олотоохторо биһирии иһиттилэр.

Ол курдук, 13 хоту уулуска чааһынай дьиэ туттарга сүрүн матырыйааллары тиэйиигэ көмөлөһөллөр. Бу өҥөнү АТЛК – Арктическай атыы – эргиэн хампаанньата хааччыйыахтаах.

«Бүгүҥҥү күҥҥэ өйөбүл тула тэрээһиннэр чопчуланалар, сотору кэминэн Арктикаҕа чааһынай дьиэни туттуу өйөбүлүн туһунан быһаарыы ылыныахпыт. Ол эбэтэр, дьиэ туттуон баҕалаах Дьокуускай куораттан матырыйаалын атыылаһан баран, АТЛК ыскылаатыгар илдьэн туттарар.  Бу хампаанньа кыһыҥҥы суолунан биитэр уунан улуус киинигэр диэри тиэрдэн биэрэр соруктаах,» – диэн СӨ тутуу миниистирэ Виктор Романов иһитиннэрдэ. Кини этэринэн, маннык өйөбүл хоту дьиэ тутуутун сыанатын түһэриэҕэ.

Бу сонуну, Эбээн Бытантай улууһун олохтоохторо олус диэн биһирээтилэр. Эбээн Бытантайга кыһыҥҥы суол 3 эрэ ый устата турар. Улуус кииниттэн Дьокуускайга диэри 1486 килэмиэтир, улахан уйуктаах тиэхиньикэлэр тохтообокко айаннаатахтарына 5-6 күн сылдьаллар. Бу ааспыт сылга «Арктика суоллара» ХТ Тополинай эҥэр суолу хаачыстыбалаахтык оҥорбутунан ситиһилиннэ. Эрдэ,  кырата нэдиэлэ айанныыллара.

20 туонналаах таһаҕас тиэйэр массыынаны урбаанньыттар 800-900 тыһ.солк. наймылыыыллар. «Санаан көрүҥ, хоту мастан ураты туох да суох, барытын киин сиртэн тиэйэн аҕалан (тоһоҕоҕо тиийэ) дьиэ туттаҕын. Матырыйаал атыылаһарыҥ балайда ороскуот, аны өссө тиэйтэрииҥ сыттаҕа. Онон, бу өйөбүл олус үчүгэй, сөптөөх мындыр толкуй,»- диэн былырыын дьиэ туттан саҕалаабыт орто саастаах эр киһи санаатын үллэһиннэ.

Санатан эттэххэ, быйыл улуус киинигэр торгово – логистическай киин тутуута түмүктэнэн үлэҕэ киирэр. Бу туһунан, Айсен Сергеевич Ил Түмэҥҥэ туһаайыытыгар этэн турар.

 

Бытантай уоттара

Читайте дальше