Биир дойдулаах уолбут, ХИФУ физическай култуура салаатын 2 кууруһун устудьуона Юрий Сыроватский Саха Өрөспүүбүлүкэтин Кубогар панкратион көрүҥҥэ 62 киилэҕэ диэри ыйааһыҥҥа 1 миэстэни ылла!
Турнир сэтинньи 24 күнүгэр Дьокуускай куоракка ыытылынна, манна киин куораппыт биллэр-көстөр спортивнай кулууптарыттан 20-тэн үөһээ саастаах 30 тахса спортсмен кыттыыны ылла. Биһиги уолбут “Триумф ММА” спортивнай комплекс аатыттан киирсэн, кыайыылаах үрдүк аатын эрэллээхтик ситистэ.
Бэлиэтээн эттэххэ, Юрий оскуола саҕаттан, чуолаан 9 кылаастан ыла спордунан утумнаахтык дьарыктанар. Былырыын юниордар ортолоругар эмиэ бу көрүҥҥэ 1 миэстэни ылбыта.
Уолбутугар өссө да ситиһиилэр кэлэ турдуннар, мэлдьи кыайыы аргыстаах сырыттын диэн баҕа санаабытын тиэрдэбит.