Ыты, куосканы, дьиэ харамайын иитэр дьон уопсастыба, дьон-сэргэ иннигэр кэккэ эбээһинэстэри сүгэллэр. «Аҥардас биир сулууспа күүhүнэн бэйдиэ сылдьар ыты, куосканы бэрээдэктиир, аҕыйатар үлэлэр кыаллыбаттар. Бу боппуруоска хаһаайыттар эппиэтинэhи өйдөөн, бары ирдэнэр быраабылалары толорон, дьоҥҥо, оҕолорбутугар куттал суоһаабатын туһугар нэhилиэнньэ өттүттэн өйөбүл, көмө баар буолара ирдэнэр», — диэн Түгэһиир нэһилиэгин олохтоох дьаһалтата иһитиннэрэр уонна дьиэ кыылын иитэр дьон сүрүн эбээhинэстэрин туһунан санатар.
— Ыты уонна куосканы чааhынай дьиэҕэ, кыбартыыраҕа сөптөөх санитарнай — ветеринарнай усулуобуйа баар буоллаҕына тутуллар. Ыты уонна куосканы подъезтарга, кирилиэс площадкаларыгар, көрүдүөрдэргэ, балконнарга уо.д.а элбэх дьон сылдьар сиригэр тутар бобуллар;
— ыттары уонна куосканы атын нэhилиэнньэлээх пууннарга тиэйиигэ – таhыыга ветеринарнай ыспыраапкалаах, пааспардаах, ииригирии утары быhыыны айанныан 30 күн инниттэн ылбыт буолуохтаах;
— ыты уонна куосканы тутар дьон ыттарын олбуордарын иhигэр быаҕа, сыапка тутуохтаахтар, олбуор таhыгар ыт тахсара көҥүллэммэт, дьиэлэрин таhыгар ыт баарын туhунан табличкалаах буолуохтаахтар;
— ыттарын уулуссаҕа, кылгас быалаах, намордниктаах (бас быалаах) илдьэ сылдьыахтаахтар, куоскаларын дьиэлэригэр эбэтэр квартираларыгар тутуохтаахтар;
-ыттары, куоскалары оҕолор оонньуур площадкаларыгар, маҕаhыыҥҥа, остолобуойга, оскуолаҕа уонна д.а. уопсастыбаннай (элбэх дьон сылдьар) сирдэргэ батыhыннаран аҕалар бобуллар;
— ыттары, куоскалары ыйыллыбыт бириэмэҕэ ветеринарнай исписэлиистэргэ көрдөрүөхтээхтэр, прививкалары кэмигэр ылыахтаахтар;
— балыыhаҕа, ветеринарнай сулууспаҕа ытырыы буолбут түбэлтэтигэр биллэриэхтээхтэр;
— ыт, куоска өлүктэрин талбыт сиргэ быраҕар булгуччу бобуллар, анал миэстэҕэ уматыллыахтаах;
— ыты, куосканы иитиигэ тус гигиена быраабылалара бары ыты иитээччилэринэн тутуhуллуохтаах;
— оҕолор бэйдиэ сылдьар ытынан, куосканан оонньууллара бобуллуохтаах.