“Муус устар ыйтан саҕаламмыта өрөмүөн уонна бу билигин балаҕан ыйыгар түмүктэнэн, дьэ киирдибит. Биһиги ПАО «Сбербанк” филиала буоларбыт быһыытынан, баан өрөмүөнэ хайдах оҥоһуллан эрэрин үрдүкү дьаһалтабыт кэлэн көрөн, тутан барбыттара. Биһиги санаабытыгар билиҥҥи кэмҥэ барыта үчүгэй, ОДьКХ сылытар ситимиттэн арахсыбыт буоламмыт үлэлиир дьиэбит сылаас. Бэйэбитигэр туспа уотунан барар оһох туруорулунна, онтубут температуратын бэйэбит көрө-истэ сылдьыахтаахпыт, анал үлэһит диэн көрүллүбэтэ.Иһирдьэ үлэһиттэргэ аналлаах сынньалаҥ хос оҥорбуттара, үлэлииргэ табыгастаах усулуобуйа киллэрбиттэрэ олус үчүгэй диэн, биһиги кэллиэгэбин Саскыйа Гороховалыын үөрэн олоробут,”- диэн баан өрөмүөнүн туһунан килийиэннэри кытта үлэлиир менеджер Владлена Михаханова билиһиннэрдэ.
