Олунньу 10-11 күннэригэр икки күннээх тыҥааһыннаах, өрө күүрүүлээх киирсиигэ барыта 15 хамаанда күөн көрүстүлэр. Хамаандалар бары да сыл аайы тупсан, оонньуур таһымнара күүһүрэн, сытыырхайан иһэрин көрөччүлэр бэлиэтээтилэр.
Бастакы күн күрэхтэһии үөрүүлээх арыллыытын улуус баһылыга Иннокентий Стручков эҕэрдэлээн, күрэхтэһээччилэргэ кыайыыны баҕаран арыйда. Дьарҕаалаахтан ыалдьыттар — Татьяна Старостина уолунаан Даниельы кытта эҕэрдэ ырыаларынан киэргэттилэр, сэргэхситтилэр.
Ол курдук, тыҥааһыннаах киирсии түмүгүнэн бастакы бочуоттаах миэстэни Авиатор хамаанда ситиһэн кыайыы өрөгөйүн сүктэ, иккис миэстэ Дьарҕаалаах нэһилиэгин, үһүс миэстэни «Дабдыкан” хамаандалар буоллулар. Маны таһынан, биирдиилээн анал ааттар ааттаннылар. Оонньуу кылаабынай суудьуйатынан эдэр, саҥа үлэһит Айсен Монастырев ананан, оонньууну көрөн ыытта.
Сити курдук, спортка курдук улууспут, төрөөбүт нэһилиэкпит чэчирии сайдарын туһугар үлэҕэ, үөрэххэ өрө күүрүүлээхтик түһүнүөххэ!
Марианна СЛЕПЦОВА