Дьокуускай куоракка бүддьүөтү көҕүлээһиҥҥэ бастыҥ бырайыактар бэстибээллэрэ (ШКИБ — школьное инициативное бюджетирование) буолла. Бу тэрээһин чэрчитинэн “Олохтоох көҕүлээһиннэри өйүүр” бырагыраамаҕа үчүгэй көрдөрүүлээх улуус, нэһилиэк баһылыктарыгар махтал суруктары, ол иһигэр биһиги Түгэһиирбит баһылыгар Сергей Аликовка үөрүүлээх быһыыга-майгыга туттардылар.
Нэһилиэнньэ бэйэтэ көҕүлүүр олохтоох инициативалары өйүүр бырагырааманан (ППМИ) билиҥҥитэ элбэх нэһилиэккэ сквердэр, пааматынньыктар, дьиэ ис-тас көстүүтүн саҥардыы, тупсарыы, араас хайысхалаах өрөмүөн, тутуу үлэлэрин курдук, араас туһааннаах бырайыактар олоххо киирдилэр. Аны бу курдук бырайыак оскуолаларга эмиэ баар. Ол эбэтэр үөрэнээччилэр көҕүлээһиннэрин (инициативаларын) үп-харчы өттүнэн өйүүр бырайыак оҥоһуллан, үп-харчы көрүллэр.