Алтынньы 28 күнүттэн С.Н. Донской аатынан үөрэҕи сайыннарар уонна идэни үрдэтэр институт лектора Варвара Васильевна Аммосова биир кэлим уонна сүрүн судаарыстыбаннай эксээмэннэргэ нуучча тылыгар уонна литературатыгар оҕолору бэлэмнии уонна учууталларга куурус ыыта кэллэ.
Алтынньы-сэтинньи ыйдарга биһиги улууспутугар лектордар кэлэллэрэ былааннанар, оҕолорго «күһүҥҥү оскуола», ону тэҥэ учууталларга куурус буолара былааннанар. Ол курдук, алтынньы 31- сэтинньи 4 күннэригэр информатика, география предметтэригэр, сэтинньи 7-11 күннэригэр математика предметигэр уонна оскуола иннинээҕи саастаах оҕолор иитээччилэригэр куурус ыыта лектордар, сэтинньи 14-18 психологтар кэлиэхтэрэ. Ахсынньы 28-тохсунньу 2 күннэригэр үлэ уруогун ыытар учууталларга куурус буолуоҕа.
Бу туһунан үөрэх салалтата иһитиннэрдэ.