Иннокентий Николаевиһы кытта волонтер кыргыттарбыт Лилия Николаева уонна Акулина Колесова сырыттылар.
- Биһиги мантан олохтоохтор, тэрилтэлэр күүстэринэн, уолаттарбыт аймахтара ыыппыт кэһиилэрин илдьибиппит. Барыахпыт иннинэ уолаттарбытыттан кимиэхэ туох наадатын сайаапка хомуйбуппут, онон сиэттэрэн үлэспиттэрин барытын ылбыппыт. Ким эрэ тепловизор, сорохтор эрбии, таҥас – сап уо.д.а. Бу барыта 2 мөл.300 тыһ.солк., 300 — чэ киилэ кэриҥэ буолбута.Москубаҕа бу таһаҕаспытын барытын сөптөөх гына бэлэмнээбиппит. ЕКЦ (Единый координационный центр) нөҥүө Ростовка тиэрдэн биэрбиттэрэ. Дьэ, ити курдук айаммытыгар туруммуппут. Биһиэхэ бронированнай массыына биэрбиттэрэ, уонна сирдьитинэн бэйэбит биир дойдулаахпыт Игорь Попов (Ермолаева С.Н.племяннига) сирдээн илдьэ сырытта. Игорь анал дьайыы саҕаланыаҕыттан сылдьар буолан, сири – дойдуну үчүгэйдик билэр. Биһиги Запорожьенан, Донецкай уобалаһынан Чурапчы улууһун бэрэстэбиитэллэрин кытта сырыттыбыт. Балаһыанньа биллэн турар байыаннай, ол иһин сүрдээх сэрэхтик сылдьыахха наада.
Кыргыттар уолаттарбытын кытта куруутун сибээс тутар буоланнар, ким ханна баарын чопчу билэллэр. Биһиги улуустан билигин анал дьайыыга 16 уол сылдьарыттан, тоҕуһун көрүстүбүт. Атыттар инники кирбиигэ сылдьаллар, кинилэргэ илдьибит сээкэйдэрбитин бииргэ сулууспалааччыларыгар хаалларбыппытын туттубут, диэн биллэрбиттэрэ. Уолаттарбыт наһаа үөрдүлэр, Украинаҕа таба этин сиэхпит, олус да аҕынныбыт дииллэр. Сотору кэминэн кыайыылаах эргиллиэхпит, диэн эрэх – турах санаалаахтар.
Арассыыйа ылбыт сирдэригэр сөргүтүү үлэтэ күүстээхтик ыытылла турар. Саҥа дьиэлэр дэндэйбиттэр, кыбаарталлары арыйталаан эрэллэр. Суолу – ииһи аһара үчүгэйдик оҥорбуттар. Билигин Саха сирэ Докучаевск куораты шефтэһэр. Манна эмиэ үгүс элбэх үлэ ыытыллыбыт. Ил Дархан Айсен Николаев биһиги иннибитигэр кэлэн, Ильиновкаҕа туппут “Мин докумуоннарым” элбэх өҥөнү оҥорор киини арыйбыт этэ.
Саха сириттэн элбэх киһи үлэлиир эбит. Биир госпитальга 4 саха кыыһын көрсөн кэпсэппиппит. Сүрдээх патриот дьонноох эбиппит, диэн киэн тутта санаатыбыт. Уолаттарбытын, бары этэҥҥэ эргиллэн кэлэллэрин кэтэһэбит, эрэнэбит!
Уолаттарбытыгар дойдуларын аҺын илдьэрбитигэр көмөлеспүт дьоммутугар улахан да улахан махтал.
2 куул балык биэрэн өйөөтүлэр:
— Петров Валерий Петрович
— Стручков Николай Иннокентьевич
— Портнягин Спиридон Владимирович
— Корнилова Аграфена Терентьевна
— Слепцова Вера Спиридоновна
— Марина, Петр Верховскойдар
— Горохов Виктор Максимович
— Дмитриев Владимир Николаевич
Бочкарев Герасим Дмитриевич биир туша таба этин биэрбитэ.
Харчыннан өйөөтүлэр:
— ИП Дасенин Артур Володиаевич 100 тыҺ.солк.
— Рожин Арылхан Егорович 10 тыҺ.солк.
— Медияйнен Оксана Юрьевна 5 тыҺ.солк.
Степанида Дмитриевна Аммосова 2 дьааҺык эмп, СХПК «Бөртө-Ас» Павлов Александр Васильевич сибиҺиэьэй сүөгэй биэрбиттэрэ