Эбээн норуотун бастакы бөдөҥ судаарыстыбаннай, партийнай уонна уопсастыбаннай деятеля, салайааччы Роман Иванович Шадрин мэҥэ өйдөбүнньүгүн анал көтөр аалынан аҕаллылар.
Гражданскай сэриигэ үс улахан кыргыһыыны ааспыт, Сэбиэскэй былааһы этинэн – хаанынан ылыммыт, дууһатынан туруорсубут, хотугу улуустары тэрийсибит, ураһаттан быкпатах кыра норуоттар сайдыыларыгар, үөрэхтэниилэригэр кылгас кэм иһигэр сүрдээх улахан үлэни ыыппыт, манна олоҕун кытта толук ууран эдэр сааһыгар олохтон барбыт Улуу киһибитигэр мэҥэ өйдөбүнньүк 3 м. Усталаах, аатын сүгэр Саккырыыр орто оскуолатын тэлгэһэтигэр туруоруллуоҕа.
Яна Рожина