Хас биирдии ыһыахха дьон күүтэр-кэтэһэр тэрээһинэ – ат сүүрдүүтэ. Кэрэхсэнэр төрүт оонньуубут билиҥҥи кэмҥэ дылы сайдан, өссө элбэх кыттааччыланан иһэрэ киһини үөрдэр. Эбээн-Бытантай улууһугар аҥардас быйылгы ыһыахха 47 ат сүүрдэ! Бу бэйэлээх кытаанах киирсиигэ кимнээх кыайдылар-хоттулар, тугу бириис туттулар? Бу туһунан сиһилии тыа хаһаайыстыбатын салайааччыта Лена Бочкарева сырдатта.
«Бу маннык тыҥааһыннаах, илин-кэлин түсүһүүлээх улахан күрэх буолбатаҕа ыраатта, олус үчүгэй сүүрдүү буолла, бириистэрэ да үчүгэйдэр диэн кыттааччылар да, көрөөччүлэр да астыммыттар. Муусука, комментатор саҥата үчүгэйдик иһиллибитэ буоллар олох астык буолуо эбит.
Аллараа-Бытантай нэһилиэгиттэн 9 аты аҕалан, Ньургустаан Слепцов кэлэн кытынна, маладьыастар, өссө да ыһыахпытын киэргэтэ кэлиэхтэрэ диэн эрэнэбит!
Ыһыах саамай күүтүүлээх тэрээһинэ — ат сүүрдүүтүн кэмигэр күммүт да туран биэрдэ, ипподром да кураанаҕа бэрт буолла.
Кыттааччылар уопсайа 4 дистанцияҕа сүүртүлэр.
Ол курдук, 800 миэтирэ ыраахха 15 ат сүүрбүтүттэн:
1 миэстэ – Уолчаан, сүүрдээччи Иван Колесов, «Хос Алаас”, аты бас билээччи Дмитрий Бочкарев (Бочкаревтар династиялара туруорбут 35 тыһ.солк);
2 миэстэ – Принц, сүүрдээччи Мичил Роббек, “Кочевник”, аты бас билээччи Марат Слепцов (урбаанньыттар Дария Старостина, Герасим Бочкарев, Гаврил Колесов, Эбээн-Бытантай улууһун дьаһалтата, баһылык Иннокентий Стручков туруорбут 20 тыһ. солк);
3 миэстэ – Кыламан, сүүрдээччи Мартин Константинов, “Хос Алаас”, аты ас билээччи Дмитрий Бочкарев (Николай Горохов дьиэ кэргэнэ, «Кочевник» ородобуой община, сал. Альберт Колесов, урбаанньыт Саргылана Бысыина туруорбут 15 тыһ. солк).
1200 миэтирэ ыраахха 14 ат сүүрбүтүттэн:
1 миэстэ – Звезда, сүүрдээччи Мартин Константинов, “Хос Алаас”, аты бас билээччи Дмитрий Бочкарев (Үөһээ-Бытантай нэһилиэгин дьаһалтата, баһылык Лев Горохов туруорбут 50 тыһ. солк.);
2 миэстэ — Голд фарт, сүүрдээччи Мичил Роббек, “Кочевник”, аты бас билээччи Марат Слепцов (Эбээн-Бытантай улууһун дьаһалтата, баһылык Иннокентий Стручков туруорбут 30 тыһ. солк.);
3 миэстэ – Корифан, сүүрдээччи Ярослав Стручков, “Кочевник”, аты бас билээччи Марат Слепцов (үөрэҕирии салалтата, сал. Петр Потапов, үп салаата, сал. Айана Лукина туруорбут 20 тыһ. солк.).
1600 миэтирэ ыраахха 12 ат сүүрбүтүттэн:
1 миэстэ – Комбриг, сүүрдээччи Мартин Константинов, “Хос Алаас”, аты бас билээччи Дмитрий Бочкарев (Аллараа-Бытантай нэһилиэгин дьаһалтата, баһылык Роберт Колесов туруорбут 50 тыһ. солк, «Ананий» маҕаһыын туруорбут 10 тыһ. солк., урбаанньыт Василий Старостин туруорбут 5 тыһ. солк);
2 миэстэ – Манчаары, сүүрдээччи Давид Другин, “Турукаан”, аты бас билээччи Николай Горохов (ат сүүрдүүтүн сүгүрүйээччилэрэ Марат Слепцов, Николай Горохов туруорбут 35 тыһ. солк);
3 миэстэ — Тыал, сүүрдээччи Иван Колесов, “Хос Алаас” (урбаанньыт Надежда Наумова 25 тыһ. солк. сыаналаах биир миэстэлээх орон, Зоя Григорьевна Колесова туруорбут 5 тыһ. солк.)
2 400 миэтирэ ыраахха 17 ат сүүрбүтүттэн:
1 миэстэ – Уолчаан, Иван Колесов, «Хос Алаас” (Эбээн-Бытантай улууһун дьаһалтатын, баһылык Иннокентий Стручков туруорбут супер-бирииһэ – 200 тыһ. солк.);
2 миэстэ – Звезда, сүүрдээччи Мартин Константинов, “Хос Алаас” (Түгэһиир нэһилиэгин дьаһалтата, баһылык Сергей Аликов туруорбут 60 тыһ. солк, Стручковтар династиялара туруорбут 10 тыһ. солк);
3 миэстэ — Голд фарт, Мичил Роббек, «Кочевник”, аты бас билээччи Марат Слепцов (урбаанньыт Михаил Рожин туруорбут 55 тыһ. солк. сыаналаах кухоннай гарнитур).
Маны таһынан ат сүүрдүүтүгэр анал бириистэр турдулар. Ол курдук, эдэр кэскиллээх сүүрдээччи Давид Другин «Тот-ас” маҕаһыынтан велосипед уонна Егор Другин улуус туруорбут бирииһинэн наҕараадаланнылар.
Саамай саастаах сүүрдээччи, Кустуур нэһилиэгин олохтооҕо Ньургустаан Слепцов ыраахтан кэлэн кыттан, кыраһыабай сүүрдүүнү көрдөрөн күрэхтэһиини киэргэппитин бэлиэтээн туран, эмиэ анал бирииһинэн биһирэннэ.
«Бастыҥ тренер” анал ааты элбэх аты уһуйан бэлэмнээбит Дмитрий Бочкарев ылан үөрдэ-көттө, көрөөччү сыанабылын ылыаҕын ылла.
Ат сүүрдүүтүгэр кыттыбыт оҕолор табанан сүүрдүү буоллун, атынан сүүрдүү буоллун барытыгар көхтөөхтүк кытталлар, улууспутугар тыа хаһаайыстыбатын төрүт салаалара сайдыытыгар кэскиллээх ыччаттар буолаллар.
Кыайыылаахтарга итии-истиҥ эҕэрдэ буолуохтун! Мэлдьи кыайыылаах-хотуулаах, ситиһии аргыстаах буолуҥ!
Атынан, табанан сүүрдүүлэри көҕүлүүр, сүгүрүйэр, мэлдьи бириис туруорар спонсордарбытыгар барҕа махтал буолуохтун! Эдэр уолаттар, сүүрдээччилэр санааларын өрө көтөҕөр, спорду өрө тутар тутаах дьоммут буолаллар. Оҕолор аҥардас итинник күрэхтэргэ кыттаары төрүт дьарыкка уһуйуллан тахсаллар, тыа сирэ уйгулаах олоҕун уһансаллар”.
Сардаана Копырина