Туолбатах ыра санааларым…

Бары ахтар – саныыр, суохтуур, хараастар киһибитигэр – Горохов Иван Семенович, Ваня Горохов, Уйбаанчык, Эстрада Баанньа сырдык кэриэһигэр истиҥ – иһирэх ахтыы киэһэ буолан ааста. Бу тэрээһини Ваня уу тэстибэт табаарыһа, эрэллээх доҕоро, аллар атаҕа, бэйэтэ этэринэн «саппыкытын аҥара» Илья Колесов уонна доҕоро, кэллиэгэтэ Александр Ефимов тэрийэн ыыттылар.

Дьоро киэһэ арыллар чааһыгар анал байыаннай дьайыыга быстах хомуурга ыҥырыллан барбыт Дьоруой уолаттарбыт Иван Горохов, Егор Рожин, Егор Стручков сырдык кэриэстэригэр «Встанем!» ырыанан доҕуһуолламмыт хаартыскаларынан, видеоларынан ролик көһүннэ. Бу долгутуулаах түгэҥҥэ саалаҕа «лыык» курдук мустубут дьон, биир киһи курдук туран,  Дьоруой уолаттарбытыгар сүгүрүйүүлэрин, курутуйууларын биллэрдилэр.  Биэс чаас устата Иван Семенович ырыаларын доҕотторо, кэллиэгэлэрэ ис иһиттэн иэйэн – куойан толордулар, быыһыгар ыраахтан – чугастан доҕотторо, бииргэ үөрэммиттэрэ, үлэлээбиттэрэ, сулууспалаабыттара видео нөҥүө ахтан – санаан ааспыттара улахан экраҥҥа көстө турбута ураты истиҥ, сылаас эйгэни үөскэттэ.

— «Биһиги Уйбаанчыктыын оскуолаҕа үөрэнэ сылдьан тустуу күрэҕэр манна билсибиппит. Онтон ыла табаарыстаһан, доҕордоһон, кэлин бэйэ бэйэбитин «паара саппыкылар» диэн, дьээбэлээн ааттанар буолбуппут. Устудьуоннуу сылдьан ордук чугаһыспыппыт. Ол курдук, улуус аатыттан араас күрэхтэргэ, тэрээһиннэргэ харса суох кыттарбыт. Кэлин утаа, тамадаалыыр, ыытааччы да буолар этибит. Үлэҕит, ыал буолан дойдубутугар кэлэн, киһи ааҕан сиппэт элбэх үөрүүлээх бырааһынньыктары ыыппыппыт. Бу баар курдук… Уйбаанчык кэллэҕинэ өссө да элбэх үөрүүлээх тэрээһиннэри ыытыахпыт, тамада буолан чоргуйуохпут, диэн испэр саныырым.

Онтон бу киэһэни ыытар санааны Саша Ефимовтыын иитиэхтээбиппит, былааннаабыппыт ыраатта.  Доҕорум суох буолуоҕуттан тамадаалаабат да, ханна да кыттыам да санаам кэлбэт буолбутум дьиҥэ. Арай, соторутааҕыта биир үбүлүөйү ыыттым, хайдах эрэ доҕорум барахсан көмөлөспүт курдук санаммытым.

Бу киэһэ буоллар, барыта буолуохтааҕын курдук орун оннугар түһэн,  чэпчэкитик табыллан ыытылынна. Уйбаанчыкпыт бэйэтэ көмөлөстө быһыылаах. Кини олус, наґаа көхтөөх киһи буоллаҕа, идэтинэн даҕаны, ис эйгэтинэн да тэрийэр дьоҕурдааҕа. Тэрээһин туһунан санаабын култуура салалтата, «Гарпан» ЭКК µлэґиттэрэ тутатына өйөөбүттэрэ. Матырыйаал хомуйуутугар кэргэнэ Лида, Уйбаанчык бииргэ үөрэммиттэрэ, доҕотторо тута ылсан, начаас икки ардыгар хомуйа охсубуттара. Уопсайынан, Уйбаанчыгы саныыр, ахтар, убаастыыр дьон элбэх буолан, тµргэн кэмІэ барыта хомулунна. Мунньуллубут видеолары Илана Колесова монтажтаан күүскэ көмөлөстө. Уйбаанчык кылааһынньыга Ньургун Боярскай эмиэ боруоста сүүрэн – көтөн, барытыгар ылсан көмөлөстө. Бары кыттыбыт уолаттарга, доҕотторбутугар улахан махтал, биир киґи курдук турунан, кµн аайы бэлэмнэнэн, сµрдээх µчµгэйдик доҕорбутугар анаабыт киэһэбит табылынна. Уйбаанчыкпыт, таптыыр – ахтар доҕорбут, санаабар үөрбүт аҕай буолуохтаах…», — диэн Илья санаатын үллэһиннэ.

Лидия Суханова, Иван Семенович тапталлаах кэргэнэ: Күндү кэргэним, аҕабыт, доҕорбут сырдык кэриэһигэр ыытыллыбыт ахтыы киэһэтэ үрдүк таһымҥа ааста. Бу ахтыы киэһэ бастаан толкуйданарыгар, кини ыллаабыт ырыаларынан кэнсиэр диэн этэ, онтон чугас до±отторо Илья Колесов, Александр Ефимов ахтыы киэһэтэ оҥорон таґаарбыттара олус үчүгэй буолла. Төһө да кылгас кэм буоллар, ырыаһыт уолаттар күн аайы кэлэн бэлэмнэнэн, истиІ-иһирэх киэһэ ааста. Махтаныам этэ,  кыттыыны ылбыт, тэрийсиигэ көмөлөспүт Ваня убайдарыгар, бырааттарыгар, доҕотторугар, бииргэ үөрэммиттэригэр, ахтыы видеолары монтажтабыт, презентация оҥорбут чугас дьүөгэбэр Колесова Иланаҕа, Уйбаанчыкпытын истиҥник санаан ахтан кэлэн көрбүт көрөөччүлэргэ.

Улуус баҺылыга Иннокентий Стручков: Позвольте выразить слова благодарности организаторам, друзьям и родным Ивана! Этот вечер стал вечером-признанием в любви к другу, коллеге, отцу, брату, мужу, сыну, который пал на поле боя, защищая наш с вами покой и Родину. Стал примером мужества и храбрости. Иван за свою короткую, но яркую жизнь оставил добрый след в сердцах своих земляков. И доказал, что от того, как ты проживешь свою жизнь, зависит любовь и признание народа! Иван будет жить в сердцах многочисленных поклонников его таланта и искренности.

 

Истиҥ – иһирэх, иэйиилээх ахтыы киэһэ устата, хас биирдии ырыаҕа оҕобут Уйбаанчык тэҥҥэ ыллаһар курдук дьикти эйгэ үөскээбитин сылдьыбыт дьон бэлиэтээбиттэрин этэллэр. Хайдах эрэ, наһаа чэпчэкитик, биэс чаас олох биллибэккэ биир тыынынан ааста. Ваняны  доҕотторо олус чугастык саныыллара, убаастыыллара көстөр. Уйбаанчык – Иван Семенович, биһиги өйбүтүгэр – санаабытыгар өрүү тыыннаах, өлбөөдүйбэт өйдөбүл, сырдык сулус буолан сандаара тыгыаҕа!

Яна РОЖИНА

Читайте дальше