И.Н. Слепцов аатынан Кустуур агропрофилированнай оскуола кэллэктиибэ сылтан сыл таһаарыылаах үлэтинэн- хамнаhынан улууска эрэ буолбакка, өрөспүүбүлүкэҕэ киэҥник биллэр. Ол курдук араас элбэх тэрээhиннэри үөрэҕи кытта тэҥҥэ дьүөрэлээн үлэлииллэр. Дириэктэр Матрена Алексеевна Горохова оскуола иhинэн ыытыллар үлэҕэ-үөрэххэ улахан болҕомто уурара, кини күүстээх, инникилээх салайааччы буоларын көрдөрөр. Быйылгы үөрэх дьылыгар элбэх сана сүүрээннэр олоххо киирэн эрэллэрэ үөрдэр.
Матрена Алексеевна оскуолабыт өссө инникилээх, сайдар кэскиллээх торумугар үлэни туһаайар. Оскуолабыт иhинэн агро хайысха үлэлээбитэ хаһыс да сыла. Матрена Алексеевна көс оскуола олоҕун-дьаhаҕын билсиhэ, саас оҕолору кытта таба ыстаадатыгар сылдьан, элбэх былааннары, инники үлэлиир сыал – сорук туруоруммута. Быйыл, «Мэрлэнкэ» көс оскуола 5-с сылын оскуоланы ситиhиилээхтик үлэлээбит бэлиэ түгэнэ. Манна саас улахан үбүлүөйдээх тэрээhининэн бэлиэтээбиппит. Көс оскуолабыт үлэбит өссө тупсарыгар, үлэлиир дьон — табаһыттар, настаабынньыктарбыт, ыстаадаҕа тахсар оҕолорго усулуобуйа тупсарарга сыл устата араас хабааннаах үлэни ыытабыт. Оҕолор ыстаадаҕа сылдьыбыттарынан араас тиэмэлээх үлэлэринэн научнай – практическай кэмпириэнсийэлэргэ, куонкурустарга ситиhиилээхтик кытталлар.
5 сыл устата 30-тан тахса оскуолабыт үөрэнээччилэрэ сүтэн эрэр, төрүт дьарыкка — таба иитиитигэр сыстан, олохтоох табаны иитии ньымаларын кытта билсистилэр. Оҕолорбут ыстаадаҕа сылдьан ылбыт сатабыллара, дьоҕурдара инники олохторугар күүс – көмө буолуоҕа, диэн эрэнэбит. Көс оскуолабыт ситиhиилэрин биһирээн Саха сирин үөрэххэ уонна билим министиэристибэтиттэн оҕолорго мобильнай блочнай дьиэ кэлбитэ кэрэхсэбиллээх. ОАО «Сахаэнерго», генеральнай дириэктэр Кондратьев Петр Семенович көс оскуолабытыгар, төлөпүөнүнэн быhа тахсан, спонсорскай көмө олохтообута ордук долгутта. 100 тыh.солк. оҕолорго балаакка уонна утуйар, хомуллар орон атыылаhарбытыгар анаабыта. Көмөнү туһанан, быйыл ыстаада оҕолоругар «HIGACHI» кыhыҥҥы оттуллар 1 устуука балаакка, 3D экраннаах 1 устуука пошехонка оһох уонна 9 устуука хомуллар орон ыллыбыт. Ылыллыбыт малларбыт оскуолабытыгар кэлэн оҕолор, кэллэктиип үөрүүтэ үгүс.
Түгэнинэн туhанан, СӨ үөрэхтээһин уонна билим министиэристибэтигэр, ОАО «Сахаэнерго» (генеральнай дириэктэр Кондратьев Петр Семенович) тус бэйэтигэр уонна кэллэктиибигэр барҕа махталбытын тиэрдэбит. Үүнэр көлүөнэҕэ, кэнчээри кэскил оҕолорбутугар болҕомтоҕут хаhан да уҕараабатын!
Кустуур орто оскуолатын учуутала В.Н.Колесова