Уус Алдан улууһугар Мындаабаҕа көҥүл тустууга улуустааҕы чемпионат буолла. Онно биһиги улууспуттан икки бөҕөспүт Степан Другин уонна Ренат Нохсоров тустан, иккиэн финалга таҕыстылар, иккис миэстэни ситистилэр.
Сэтинньи 13 күнүгэр эмиэ биһиги улууспут уола Эрсаан Сыроватскай Белогорскайга күрэхтэһиигэ барда, онон, сотору кэминэн үчүгэй сонун кэлэрин күүтэбит.
Бу курдук спорт эйгэтигэр оҕолорбут ситиһиилэрин туһунан спорт энтузиаһа Петр Стручков сырдатта.
Сардаана Копырина