Арассыыйаҕа Дьиэ кэргэн уонна Саха сиригэр Оҕо саас сылыгар туһуламмыт «Саха сиригэр быраабы кэһиини сэрэтэр” судаарыстыбаннай бырагыраама уонна “Работа в радость” өрөспүүбүлүкэтээҕи бырайыак чэрчитинэн Эбээн-Бытантай улууһугар “Психолого-педагогическай арыаллааһын өрөспүүбүлүкэтээҕи методическай кииниттэн” 3 исписэлиис кэлэн, икки күн устата үлэлээтилэр. Сиһилии үөрэх салалтатын иитэр үлэҕэ уонна эбии үөрэхтээһиҥҥэ исписэлииһэ Люциана Горохова сырдатта. 
- Биһиги улууспут киинигэр Саккырыырга сэтинньи 12-13 күннэригэр «Психолого-педагогическай арыаллааһын өрөспүүбүлүкэтээҕи методическай киинин” психологическай уонна социальнай-педагогическай арыаллааһын отделын салайааччыта Светлана Петровна Неустроева, психологическай уонна соцальнай-педагогическай арыаллааһын отделын педагог-психолога Полина Николаевна Кривошапкина, диагностика уонна оскуола иннинээҕи саастаах оҕолорго анал көмө отделын педагог-психолога Ярослава Зиявна Абрамова кэлэннэр, учууталларга «Психолого-педагогические основы профилактической деятельности в образовательной организации» диэн семинар тэрийдилэр. Семинарга уопсайа 67 педагог кыттыыны ылла.
Маны таһынан оскуола үөрэнээччилэригэр, оскуола иннинээҕи саастаах оҕолорго уонна кинилэр төрөппүттэригэр тус консультациялары ыыттылар, «Секреты счастливого родительства» диэн төрөппүттэр уопсай мунньахтарын тэрийдилэр.
Бу курдук “Психолого-педагогическай арыаллааһын өрөспүүбүлүкэтээҕи методическай киинин” исписэлиистэрэ икки күн устата тигинэччи үлэлээтилэр. Үөрэтэр тэрээһиннэргэ сылдьыбыт педагогтар, оҕолор уонна төрөппүттэр олус астыннылар, элбэҕи биллибит-көрдүбүт диэн биһирээтилэр уонна махтаннылар.
Сардаана Копырина