Саха сиригэр боксаҕа бастыыр иһин кыргыттар күрэхтэһиилэрэ Дьокуускайга буолла. 30 спортсменка рингэҕэ таҕыстылар, диэн регион салалтатын пресс-сулууспата суруйар.
Күрэхтэһии «Спорт – норма жизни» федеральнай бырайыак чэрчитинэн ыытылынна, РФ президенэ Владимир Путин көҕүлээбит «Демография» национальнай бырайыак иитинэн.
Россия уонна норуоттар ардыларынааҕы категориялаах судьуйа Семен Румянцев кылаабынай судьуйанан үлэлээтэ. «Биһиги миссиябыт – олохпут хаачыстыбатын физическай көҕүнэн уонна маассабай спорду өрө тутан тупсарыы, көхтөөх олох култууратын олохтооһун буолар», – диэтэ Румянцев.
Турнир түмүгүнэн бастыҥнар истэригэр биҺиги Сашенькабыт баар. Ол курдук, Александра Слепцова 48 киилэҕэ 17-18 саастаахтарга 1 миэстэни ситистэ. Кини Хара спортивнай оскуолатыгар ситиҺиилээхтик үөрэнэр.
Турнир бастыҥ тренеринэн Оксана Васильева ааттанна. Номинацияларынан кыайыылаахтары Саха сирин боксатын Федерацията 5 тыһ. солк суумалаах сертификаттарынан эҕэрдэлээтэ.