Үрүҥ Тунах ыһыахпыт Кустуурбут кэрэ туонатыгар, кэрэ сибэкки, күөх сирэм быыһыгар ыытыллан бүттэ, аны сотору күргүөмнээх от үлэтэ саҕаланыаҕа. Бу алгыстаах ыһыахпытыгар биһиги биир дойдулаахпыт, байыаннай дьайыы кыттыылааҕа Иннокентий Сотрудников дойдутун дьонугар анаан 50 тыһ. солк. харчынан ис сүрэҕиттэн ыытан спонсордаабыта олус махталлаах.
Кеша бэйэтэ оҕо эрдэҕиттэн спорду өрө туппут, дьарыктары-күрэхтэри чахчы биһириир, бэйэтэ элбэхтик күрэхтэһэн үгүс наҕараадалаах. Нэһилиэкпит биир киэн туттар ыччата, эр бэрдэ, патриот уол!
Ол курдук ыһыахха Кеша бирииһин оҕолорго мас тардыһыытыгар абсолютнай күрэххэ 1 миэстэ Афанасий Захаров ылан, 25000 солк бириэмийэлэнэн, улахан дьоҥҥо Тимофей Горохов ыраас кыайыыны ситиһэн 1 миэстэҕэ 25000 солк. ыллылар. Спортивнай күрэхтэри тэрийээччилэр, кыайыылаахтар уонна ыалдьааччылар да соһуччу бириискэ олус үөрдүлэр, махтаннылар.
Биһиги нэһилиэк олохтоохторо эйэлээх олох иһин дойдуларын чиэһин көмүскүү, харыстыы сылдьар уолаттарбытынан киэн туттабыт. Кыайыы-хотуу көтөллөөх дойдуларыгар түргэнник эргиллэн кэлэллэрин баҕарабыт, алгыспытын ыытабыт.
Кустууртан биһиги уопс. кэрр. Тамара Шадрина