Бүгүн, о.э. олунньу 14 күнүгэр социальнай политикаҕа салалта салайаачччыта Саргылана Петрова көҕүлээҺининэн 12 киҺи састааптаах биригээдэ кэлэн үлэлээтэ.
Үөрэх салалтатын, киин балыыҺа, социальнай харалта исписэлиистэрэ, ону тэҥэ Полиция пуунун начаалынньыга Владислав Никитин уонна сотрудниктара оҕолорго, төрөппүттэргэ, учууталларга профилактическай, профориентационнай суолталаах сүбэ-ама, көмө оҥордулар. Маннык десант кэлэн үлэлээбитэ нэҺилиэнньэҕэ олус туҺалаах. Нарколог быраас Семен Винокуров куҺаҕан дьаллык буортутун, полиция сотрудниктара саастарын ситэ илик оҕолор бырааптарын, эбээҺинэстэрин туҺунан бэсиэдэлэрэ инники өттүгэр үчүгэй төҺүү күүс буолуо диэн эрэнэбит. Маннык тэрээҺиннэр кытыы нэҺилиэктэргэ улахан көмө, тирэх буолаллар, — диэн педагог Надежда Слепцова кэпсиир.
Хаартыскаҕа түһэрдэ Н.Слепцова