И.Н.Слепцов аатынан Кустуур орто оскуолатын «Сайдыы» волонтерскай этэрээтэ үгэс быhыытынан «Кумах сыhыы» учебнай-производственнай баасаларыгар от үлэтин үгэнигэр сылдьаллар.
«Быйылгы састаап 7 кылаас үөрэнээччилэрэ буолаллар. 6 уол — Попов Стасик, Потапов Ньургун, Колесов Сарыал, Слепцов Егор, Проня уонна Вася Старостиннар үөрэ-көтө сынньалаҥнарын туhалаахтык атааран 5 туонна окко былаан ыланнар, от бэлэмнээhин үлэтигэр үөрэнэллэр, сайыҥҥы үтүө күннэргэ айылҕалыын дуоhуйа алтыhаннар балыктаан, куйаас күҥҥэ сөтүөлээн, сир астаан каникулларын атаараллар. Кинилэри үлэҕэ уhуйан үөрэтэр маастар Потапов И.П. Оҕолор номнуо 2 оту туруоран үлэлэрин үмүрүтэн эрэллэр. 
Быйыл улууспут баhылыга И.Н.Стручков оҕону үлэҕэ уhуйар агро-оскуоланы өйөөн снего-болотоход «Самурай» ыларбытыгар көмөлөһөн баасаҕа барарга-кэлэргэ, от үлэтигэр техникаланан абыранныбыт. Түгэнинэн туhанан, улууспут дьаhалтатыгар улахан махталбытын тиэрдэбит.
«Кумах Сыhыы» оҕо чаҕаарар саҥатынан, үлэ-сынньалаҥ умнуллубат үтүө кэмнэрин бэлэхтээн инникитин даҕаны оҕолору угуйа-ыҥыра турдун”, — диэн Кустуур орто оскуолатын дириэктэрэ Матрена Горохова сырдатта.