Дойду үрдүнэн «Кросс нации 2024»  элбэх киһини түмэр тэрээһин киэҥ далааһыннаахтык буолан ааста. Бу күрэх 2004 сыллаахтан Арассыыйа бары эрэгийиэннэригэр ыытыллар. Саха сирин бары улуустара, нэһилиэктэрэ туора турбакка кыттыһаллар.

Иннэ диэн туран бүгүн, балаҕан ыйын 19 күнүгэр Түгэһиир нэһилиэгэ бу улахан тэрээһиҥҥэ кыттыһан эдэрдиин-эмэнниин бары мустан ким сүүрэн, ким хаамыыннан ыйыллыбыт финишка бэт сэргэхтик кэллилэр.

Быйылгы сүүрүүбүт  ГТО былаһааккатын үөрүүлээх арыллыытын кытта тэҥҥэ ыытылынна, онон дьон-сэргэ хаһааҥҥытааҕар да элбэх буолан муһуннулар, бары үөрэ-көтө саҥа былаһааккаҕа эрчиллэн көрөн, сүүрүүгэ кыттан, миэстэҕэ тиксэн тарҕастылар.

“Улууспут киинигэр ГТО былаһаакката арыллынна, бу Национальный проект «Демография» диэн иһинэн ыытыллар Федеральнай бырайыак буолар “Спорт норма жизни” диэн ааттах. Ол бырайыагынан бэриллибит былаһаакка , ону үлэҕэ киллэрэн бүгүн «Кросс нации 2024»  тэрээһинин кытта холбоон оҥордубут.

ГТО туттарыыта элбэҕи биэрэр, холобура эдэр ыччат да буоллун саастаах да дьоммут ГТО нуорматын туттаран арааһынай льготалары ылыахтарын сөп. Чөл олоххо тардыһарга, эт-сиин эрчийэн доруобуйаҕытын көннөрөргө маннык былаһаакка арыллыбыта биһиги улууспутугар улахан суолталаах.” — диэн улуус баһылыга Иннокентий Стручков санаатын үллэһиннэ.

Ол курдук алын кылаас оҕолоругар:

1 миэстэ — Аселья Голикова;

2 миэстэ — Александра Родионова;

3 миэстэ — Аделия Колесова;

Уолаттарга:

1 миэстэ — Аким Слепцов;

2 миэстэ — Егор Никитин;

3 миэстэ — Еремей Рожин;

Улахан кылаас оҕолоругар:

1 миэстэ — Лиана Сташкова, Эрсан Федоров;

2 миэстэ — Александра Голикова, Конан Горохов;

3 миэстэ -Ангелина Колесова, Ярик Стручков;

Дьахталларга:

1 миэстэ — Лаура Попова;

2 миэстэ — Мария Чупрова;

3 миэстэ — Екатерина Кириллина;

Эр дьоҥҥо;

1 миэстэ — Дьулус Колесов;

2 миэстэ — Иван Старостин;

3 миэстэ — Виктор Горохов.