Бу күннэргэ Айар дьиэҕэ анал дьайыыга сылдьар байыастарбытын өйүүр » Көмүөл күүҺүн холбуката» турбута.
Манна биир бастакынан үтүөлээх учуутал, ытыктыыр киҺибит Елена Ильинична Попова кылаатын киллэрдэ. Елена Ильинична дойдуга буола турар балаҺыанньаны болҕойон кэтиирин, анал дьайыыга кыттар оҕолорбут тустарыгар долгуйарын уйадыйа төлөпүөн нөҥүө эппитэ. Кини байыастарга сылаас суорҕаны социальнай үлэҺитинэн тиэртэ.
Санатан эттэххэ, Эбээн Бытантай национальнай улууҺугар 2025 с.- Бэриниилээх буолуу сылынан биллэрилиннэ. Олунньу ый ортото улуус Аҕа баҺылыга Иннокентий Стручков анал дьайыы сиригэр баран байыастары көрсүөҕэ, кинилэр сайаапкаларынан сэп сэбиргэл тиэрдиэҕэ. Манна биҺиги бары кылааппытын киллэрэн, ким туох кыахтааҕынан көмөлөҺүөххэ диэн ыҥырабыт. Ахсынньы ыйтан Айар дьиэҕэ көмүскүүр сетка өрүүтэ ыытыллар, сүрүннээччи Евдокия Слепцова. Улуус киинин тэрилтэлэрин кэлэктииптэрэ бары кэриэтэ кыттыспыттара хайҕаллаах.
Яна Рожина