Бу ый 12-14 күннэригэр «Боотурдар» фестиваль чэрчитинэн көҥүл тустууга Илларион Федосеев аатынан турнир буолан ааста. Манна өрөспүүбүлүкэ араас муннуктарыттан барыта 1200 кыттаачы муһунна. Турнир туһунан тренер Петр Стручков сырдатта.
— Биһиги улуустан 14 оҕо кытынна. Мин 4 бөҕөс уолаттарбын илдьибитим. Икки бөлөххө киириһиннэрээри. Оҕолорбут бэрт тустууну көрдөрдүлэр.Көҥүл тустууга Дьарҕалаахтан төрүттээх Диас Сергеев 30 киилэҕэ тэҥнээҕин булбата, тренерэ Дьулус Сивцев. Диас 5№_дээх оҕо уонна ыччат спортивнай оскуолаттыттан киирбитэ, Арчылаан Горохов эмиэ бу оскуолаттан туһунна. Вася Сыромятниковпыт Тумултан(Мэҥэ Ханалас) киирдэ, тренерэ Десяткин. Кини иккис эргииргэ хотторон баран, утешилкаҕа иккитэ кыайан, үһүс миэстэ иһин кииристэ. Полуфиналга Сунтаар бөҕөһүгэр 4:3 хотордо. Уолбут бэрткэ баран иһэр, инникитин кэскиллээхтик тустар кыахтаммыт, диэн үөрэ көрдүм.Айысхаан Сыроватскай, бу үөрэх дьылыттан тренер Николай Романович Крыловка дьарыктана сылдьар.Иккитэ кыайан баран, финалга тахсыыга хотторон үһүс миэстэ иһин киирсигэ, разминка кэмигэр эчэйии ылан тустубата.Егор Никитин иккитэ кыайда, онтон утешилкаҕа тахсан 1/8 финалиһыгар хоттордубут ,бу ыйааһыҥҥа 54 кыттааччылаах. Еремей Никитин бастакытын кыайан баран, иккис эргииргэ Пинигин финалиһыгар хотторон хааллыбыт, киһибит финалга тахсыыга хотторон туораатыбыт. Манна 55 кыттааччылаах. Влад Слепцов финалиһы бастакы периодка 6:0 кыайан иһэн, бэйэбит алҕаспытыгар чистайга баран хааллыбыт. Утешилкаҕа эмиэ хотторон туораатыбыт. Эрсан Федоров бастакы эргиири ыраастык кыайан баран, иккис эригииргэ туораатыбыт. Степан Другин Семен Петухов диэн тренергэ дьарыктанар(Суотту), 41киилэҕэ бэрткэ туһунна, икки киһини кыайан баран, 1/4 хоттордубут. Киһибит полуфиналга тахсан, хотторон хаалан туораатыбыт. Айхал Свинобоев Чурапчыттан киирдэ, бастакытын кыайан баран иккиһигэр хоттордо. Ренат Нохсоров бастакытыгар хотторон туораата. Айаал Слепцов бастакытыгар кыайан баран, иккиһигэр хоттордо, тренерэ Кирилл Павлов (Амма).
Дьэ, ити курдук тустан куһаҕана суохтук көҥүлгэ туһуннубут.
Субуота күн греко — римскэй тустууга 4 оҕо туьунна. Амма улууһутан Айаал Слепцов иккис буолла.
35 киилэҕэ Эрсан Сыроватскай I миэстэҕэ таҕыста, бэйэм дьарыктаан таһаарбыт оҕолорбуттан бастакы бастааһыммыт.
44 киилэҕэ улахан бөлөххө икки уолбут туһуннулар.Эрсан Федоров бастакы эргииргэ кыайбыта ,иккискэ хотторон үһүс миэстэ иһин киирсэн хоттордо, онон 5 миэстэ буолла.
Влад киһитэ финаллаан, кыайан 3 миэстэ буолла. Былырыын 3 миэстэ буолбут көрдөрүүтүн иккиһин бигэргэттэ.
Төрөппүттэрбэр улахан махталбын тиэрдиэм этэ. Күрэхтэһии кэмигэр кэлэн көмөлөспүт, билигин греко — римскэй тустууга Дальнай Восток призерыгар, өрөспүүбүлүкэ чемпионугар, бэйэм иитэн таһаарбыт тустуукпар Сэмэн Стручковка. Инникитин даҕаны өйүүр буолаар.