Ийэ дойдубутун көмүскүү сылдьар хорсун уолаттарбытын биир дойдулаахтар кыах баарынан өйүүллэр

Быстах дьайыы саҕаланыаҕыттан амарах санаалаах кыргыттарбыт Акулина Колесова, Лилия Николаева бар дьонун көҕүлээннэр үп-харчы хомуйан, булан — талан араас наадалаах, анал тэриллэри ылан уолаттарбытыгар ыыталлар.
Акулина Колесова хомуллубут харчынан тугу ылбыттарын отчуоттаан ыытта.

Дойдуларын тустаах балыга уонна таба этэ, сибиэһэйдии тоҥорон ирбэтин диэн бүөбэйдээн-бүөбэйдээн ыыппыппыт☺️

    Ол курдук, нэһилиэнньэттэн- 444300 солк.
«Үөһээ Бытантай нэһилиэгэ» МТ — 250000 солк.
«Түгэһиир нэһилиэгэ» МТ-250000 солк.
Эрдэ хомуллуу ордуга — 104000 солк.
Уопсайа — 1048300 солк. харчы киирэн уолаттарга бэйэлэрин сакаастарынан:
-Антидрон 1 уст. — 210000 солк.
-тепловизор — 3 уст. — 309000 солк.
-Каска -1 уст -13500 солк.
-Броник- 30000 солк.
-Такси Москва -2350 солк.
-Чехлы на каски 5 уст — 2500 солк.
-прицел на АК-12, 8 уст-  449600+500 солк.
-Рация 8* 2000=8000 солк.
-Зарядное устройство 3*2097солк.
-Внешний аккумулятор 3*3999=11997 солк.
-Аккумуляторные батарейки 32 уст.- 8000 солк.
-Рюкзаки тактические 3*2000=6000 солк.
Уопсай түмүгүнэн 1053544 солк. харчы туттуллубутун билиҺиннэрдэ.

Маннык үтүө дьыаланнан бэйэлэрин ис сүрэхтэриттэн көмөлөһөр, сүүрэн-көтөн барытын дьаҺайсар, кэпсэтэн-ипсэтэн  барытын булар -талар, ситиһэр кыргыттарбыт Акулина Афанасьевна уонна Лилия Михайловна.
«Уолаттар сибээстэнэ түстүлэр эрэ сонуннарын үллэстэллэр, биллэн турар сэрии диэн сэрии ыарахан дииллэр. Ол эрээри санааларын түһэрбэттэр, бэйэ-бэйэлэрин сураһан билсэ олороллор. Сакаастарын күүтэллэр, тутан олус үөрэн бар дьонноругар күннэтэ махтаналлар.

Биһиги куруутун билэр  дьону кытары уонна атын улуус уолаттарыгар көмө таһар бэрэстэбиитэллэрин кытта сүбэлэһэбит тугу? хантан? хаска? ылбыттарын,  уолаттар туох диэн, ханнык тэрили хайҕаабыттарын сураһабыт. Холобур: эһиги ыыппыт тепловизордаргытын уолаттар хайдах дииллэрий? Сөбүлээтилэр ду суох ду? Хаачыстыбатын, төһө табыгастааҕын, төһө туһалыырын, хайдах балаһыанньаҕа туһалыырын билсэбит. 

Анал байыаннай дьаһалга сыһыаннаах араас түмсүүлэри, тэрилтэлэри, биирдиилээн волонтердары да кытары сибээс тутабыт. Москваҕа байыаннай тэрили атыылыыр маҕаһыыннары кытта эмиэ телефоннаһан барыларыттан ханнык модели саллааттар ордук атыылаһалларын, туох уратылаахтарын интэриэһиргиибит. Уонна уолаттарбытын кытта сүбэлэһэн, сөбүлэҥнэрин ылан баран дьэ атыылаһабыт. Биллэн турар барыта удамыр сыанаҕа баар буола охсубат, ол иһин сороҕор сакаас түһэрэбит, сороҕор тэриллэр айаннаан иһэллэр диэн маҕаһыыннар күттэрэллэр. Ол иһин итиннэ эмиэ бириэмэ наада. Наадалаах тэрили барытын Москва куораттан ылабыт. Антах баар буоллахпытына бэйэбит, онтон бу сырыыга Аммосов Альберт Станиславовиһы көрдөстүбүт, эппит сирбититтэн тиийэн бэрэбиэркэлээн ылар. Хаһан да эс диэбэт, кыаҕа, бириэмэтэ баарынан сүүрэр-көтөр.

Ону таһынан бэйэбит олунньу ыйтан «Биир сүрүннүүр киин суһал көмө сулууспата» доброволецтара буолабыт, онон иһиттэн ыкса сибээскэ баарбыт. Альберт Станиславович баһыылкаларбытын барытын наардаан биирдиилээн аадырыстыаҕа уонна «Биир кэлим ресурснай киин» үлэһиттэригэр илдьэн туттарыаҕа. Ол онтон анал байыаннай дьыала сиригэр опорнай пууннарга тиийэр. Опорнай пуун үлэһиттэрэ салҕыы миэстэтигэр илдьэн биэрэллэр. Кинилэри кытта эмиэ сибээстээхпит онон баһыылка ханна тиийбитин, туохтан тутулуктанан барбакка сытарын барытын билсэ олоробут.

Бу билигин уолбут Рожин Егор Адольфович геройдуу сэрии толоонугар сырдык тыына быстыбытынан бииргэ төрөөбүттэригэр, уолугар, аймахтарыгар, табаарыстарыгар, биир дойдулаахтарбытыгар барыларыгар дириҥ кутурҕаммытын тиэрдэбит.

Төрөөбүт дойдун буора сымнаҕас суорҕан, сылаас тэллэх буолан, уһун уугар минньигэстик утуй . Биһиги куруук өйдүү, саныы сылдьыахпыт.
Бу маннык буолбатын диэн  бары биир сомоҕо буолан уолаттарбытыгар күүс көмө буола сатаатахпыт, бары күүстээх санаалаах буолуохха! Уолаттарбытыгар алгыс ыыта, көмө буола туруохха!
» -диэн сиһилии кэпсээтэ Акулина Колесова.

 

Марианна СЛЕПЦОВА

Читайте дальше