Хоту сир акробаттара Аан дойдутааҕы бэстибээлгэ үрдүк ситиһиилэннилэр

Бу күннэргэ Москуба куоракка “Планета искусств” Аан дойдутааҕы бэстибээл ыытылынна. Манна Христина Стручкова салайааччылаах уһуйаантан “Миргилан” дуэт уонна оскуола саастаахтар  «Осикатал» бөлөхтөрө кыттыыны ыллылар.

Дойдубутугар курус күннэр тураннар,  бэстибээлгэ кэтэхтэн кытынныбыт. Оҕолорбут сүрдээх үчүгэйдик кытыннылар. Ол курдук, «Осикатал» I истиэпэннээх Лауреат үрдүк аат, «Миргилан» дуэт II истиэпэннээх Лауреат буоллубут. Бу үрдүк таһымнаах тэрээһиҥҥэ маннык ситиһиилэммиппититтэн олус диэн үөрдүбүт. Буолбут быһыыны оҕолорбутугар өйдөппүппүт, харса суох санаабытын өрө тардынан, барытын тулуйан кытынныбыт. Дойдуларыгар хаалбыт төрөппүттэр айманаллара биллэр, кинилэргэ наһаа санаарҕаабытым.  Миигин кытта 6 төрөппүт кэлсибиттэрэ, онон бары биир дьиэ кэргэн курдук сырыттыбыт. Түгэнинэн туһанан, оҕолорбор уонна төрөппүттэрбэр муҥура суох махталбын тиэрдэбин», — диир Христина Иннокентьевна.

 

Читайте дальше