Иитии уонна эбии үөрэхтээһин хайысхата
Оҕолор оскуола иһинэн үлэлиир араас хайысханнан дьарыктаналлар, билиилэрин кэҥэтэллэр, үүнэллэр-сайдаллар:
- «Точка Роста» цифровой уонна гуманитарнай центр;
- «ЦОС» цифровой үөрэҕирии средата;
- «Бастыҥнар хамсааhыннара»;
- «Навигаторы детства»
- Оҕолор сэбиэттэрэ;
- «Эколята» экологическай этэрээт;
- Орлята России;
- Куруһуоктар (военнай-патриотическай, спорт эйгэтин кулууптара, ырыа уонна үҥкүү куруһуоктара)
Олунньу ый 2024 сылыгар И.Н. Слепцов аатынан Кустурдааҕы агропрофилированнай оскуола үөрэнээччилэрэ Юнармия кэккэтигэр киирдилэр. Манна улуус дьаhалтата өйөөн, юнармеецтар формалара ылыллынна. 15 юнармеецка анал дьайыыттан уоппускатыгар кэлэ сылдьар биир дойдулаахпыт Слепцов Рахмон Рахмонович удостоверениеларын туттарда. Юнармейскай этэрээт оскуола киэн туттар выпускнигын Горохов Иван Семенович аатын сүктэ. Иван Семеновичка анаан оскуолаҕа «Парта Героя” оҥоhуллан бочуоттаах миэстэҕэ турда.
Ону таhынан бүтүн Россиятааҕы ФИРЯ “Расскажи о своей кочевой школе” күрэҕэр Горохов Ранид 8 кыл. үөрэнээччитэ кыайан, Дьокуускай куоракка “Бэс Чагдаҕа” сынньанар путевканы бэлэх ылбыта. Өрөспүүбүлүкэтээҕи“Кочевье глазами детей” видеоролик күрэҕэр Кыайыылаах аатын сүкпүтэ. “Юный труженик сельского хозяйства – будущее района” улуустааҕы күрэххэ Ранид кыайан, харчынан бириэмийэлэммитэ.
Тыа хаһаайыстыбатын сылыгар уонна улуус 35 сыллаах үбүлүөйүгэр анаан И.Н. Слепцов аатынан Кустурдааҕы агропрофилированнай оскуола Тирэхтээх сиригэр-уотугар үтүө үгэс буолбут табаhыт оҕолор сүлүөттэрин анаан үрдүк таhымнаахтык тэрийэн ыытта.
Алтынньы ыйга И.Н. Слепцов аатынан Кустурдааҕы агропрофилированнай оскуола иhинэн үлэлиир “Биракчаан” медиа — киин оҕолорун аатыттан Наумов Наум СӨ инновация министирэ Ефимов В.В. онлайн -конференциятыгар кыттан, 50 тыө.солк. микрофоннаах, видеокамералаах оборудование ыллылар.
Сэтинньи ыйга “Слепцовскай ааҕыылар” научнай-практическай конференция 4 төгүлүн муниципальнай таһымҥа ыытылынна.
Кулун тутар ыйга Р.И. Шадрин аатынан Саккырыр орто оскуолатын эбии үөрэхтээhин педагога А.Д. Слепцова Дьокуускайга ыытыллыбыт Норуоттар икки ардыларыннааҕы “Саас” творческай бэстибээлгэ 4 итииллээчитэ үрдүк таһымнаахтык кыттыыны ыллылар. Маны тэҥэ, 7 кылаас үөрэнээчиилэрэ өрөспүүбүлүкэтээҕи «Үйэлэр тухары айымньыҥ тарҕаныа» куонкуруска сахалыы хоһоон ааҕыытыгар 2 истиэпэннээх Дипломант аатын суктулэр.
Улууска бастакытын ыытыллыбыт “Гражданскай форум” улуус Аҕа баһылыгын Гранын хаһаайыттара “Эколята” экологическай этэрээт 14 хатыҥ уонна биир харыйа чэчирин 60 тыһ.солк. ылан оскуола тэлгэhэтигэр олортулар. Ону таһынан 110 тыһ. солк. Дьокуускайдааҕы Ботаническай саады кытта дуогабар түhэрсэн, эбии мастарга сакаас онордулар.
А.С. Садовников аатынан Дьарҕаалаах орто оскуолатыгар муус устар ыйга, аан маҥнай А.С. Садовников 100 сааhыгар анаммыт “Садовников ааҕыылара” научно-практическай конференция ыытылынна, 17 оҕо көхтөөх кыттыыны ылла. Маны тэҥэ, спортивнай тэрээhин буолан ааста.
«Юные якутяне» өрөспүүбүлүкэтээҕи спартакиадаҕа — Баишев Айгылаан, орто кылаас оҕолоругар ыытыллыбыт, өрөспүүбүлүкэтээҕи социальнай суолталаах проект куонкурсугар Захаров Семен көхтөөх кыттыыны ыллылар.
«Хаарчаана” уһуйаан иитээччитэ Христина Стручкова салайар, “Акробатика” куруhуогун иитиллээччилэрэ Кытай уонна Арассыыйа икки ардыларынааҕы бэстибээлгэ Хейхэ уонна Удалянчи куоракка көхтөөх кыттыыны ыллылар.
«Бастыҥнар хамсааһыннара» Бүтүн Россиятааҕы оҕолор уонна ыччаттар уопсастыбаннай – судаарыстыбаннай хамсааһыннара дойдубут президенэ Владимир Путин дьаһалынан дойду устуоруйатын, норуот култууратын, барҕа баайын харыстыыр, дьиэ кэргэн сыаннастарын өрө тутар сыалтан 2022 сылтан тэриллэн үлэлиир. Бу хамсааһын 12 сүрүн хайысхалаах уонна 18 сааһыгар диэри ыччат киирэн, талбыт хайысхатынан дьарыктанар. Муус устар ыйга оҕо хамсааһынын улуустааҕы салаата арыллынна, салайааччынан Николаева Екатерина Дмитриевна ананна. Сүрүннүүр координационнай совет иһигэр — 3 оскуолаҕа уонна ЭКК «Маранга» иһинэн бастыҥнар салаалара тэриллиннэ.
«Бастыҥнар хамсааhыннарын» бэстибээллэригэр 5 оҕо онлайн сибээс нөҥүө кыттыыны ылан, бэс ыйыгар тэриллибит өрөспүүбүлүкэтээҕи тэрээһиҥҥэ, Дьокуускай куоракка кыттыыны ыллылар.
«Бастыҥнар хамсааһыннарын” региональнай проегынан «Үрүҥ тугутчаан-2024» өрөспүүбүлүкэтээҕи оҕо, ыччат бэстибээлигэр, Саккырыыр орто оскуолатын эбии үөрэхтээhин педагога А.Д. Слепцова “Бытантай кэскиллэрэ” оҕолоро кыттыыны ылан, III ист. Дипломант уонна иитиллэччитэ Горохов Эрсан II ист. Дипломант аатын сүкпүттэрэ.
“Навигаторы детства” – проект сүнньүнэн 3 оскуолаҕа 3 советник уонна Михайлова Елена Алексеевна улуус кураторынан ананан үлэлииллэр. Оскуола аайы “Орлята России” проект тэриллэн үлэтин саҕалаата. Ый аайы “Дни единых действий” уонна нэдиэлэ бастакы күнүгэр “Дьоhуннааҕы кэпсэтии” кылаас чаастара ыытыллаллар. Өрөспүүбүлүкэтээҕи уонна Бүтүн Арассыыйа күрэхтэригэр ситиhиилээхтик кыттыыны ыллылар.
- И.Н. Слепцов аатынан Кустурдааҕы агропрофилированнай оскуолатын үөрэнээччитэ Наумов Наум “Гаджетпын керуеххэ” өрөспүүбүлүкэтээҕи эдэр корреспонденнар күрэхтэригэр кыайыыны ылан, «Сосновый Бор” профильнай сменатыгар ыҥырыы ылбыта;
- Попов Станислав “Инникибин көрөбүн” өрөспүүбүлүкэтээҕи күрэххэ ситиһиилээхтик кыттыыны ылла.
- Р.И. Шадрин аатынан Саккырыыр орто оскуолатын үөрэнээччилэрэ Старостина Айыына уонна Юмшанова Элеонора Бүтүн Арассыыйатааҕы “Вектор Успеха” күрэх кыайыылаахтара буолан, Владивосток куоракка “Океан” лааҕырга “Всероссийский форум Лидеров ученического самоуправления” кыттыыны ылан кэллилэр.
Эбии үөрэхтээhин чааhыгар улуус үрдүнэн уопсайа 431 оҕо хабыллар, 39 эбии үөрэхтээhин программата 5 араас хайысханнан үлэлиир:
Социально-гуманитарнай — 5 программа;
Физкультурно- спортивнай – 12 программа;
Естественно-научнай – 1 программа;
Художественнай – 16 программа;
Техническай -5 программа.
Оҕо саас киинэ оҕоҕо кыра сааһыттан норуот төрүт култууратыгар тирэҕирэн олоххо наадалаах сатабыллары эбии үөрэхтээһининэн иҥэрэн, бары өттүнэн сайдыылаах, олоххо бэлэмнээн эдэр ыччаты иитиигэ туһаайыллыбыт бырагырааммаҕа олоҕуран, 2017 сылтан муниципальнай тирэх киинин быһыытынан таһаарыылаахтык үлэлиир. 2016 сылтан Саха Сирин наука Малай академиятын региональнай салаата буоларын быһыытынан, улууска үөрэнээччилэр чинчийэр үлэлэрин тэрийиигэ улахан болҕомто ууруллар. Ону тэҥэ оскуола саастаах оҕолор сатабылларын иҥэриигэ өрөспүүбүлүкэ киинин кытта ыкса сибээстээхтик үлэлиир. 2021 сылга СӨ оҕо хамсааһынын тэрилтэтин чэрчитинэн муниципальнай бырайыактыыр киин Оҕо саас киинин иһинэн үөрүүлээхтик арыллыбыта. Тохсунньу ыйга “Муниципальный опорный центр” ааттанна.
Бүгүҥҥү күҥҥэ 211 оҕо 16 араас хайысхаҕа дьарыктанар. Онтон 7 доруобуйатыгар хааччахтаах оҕолор, анал программаннан дьарыктаналлар. Ситиһиилэр:
- Аан дойду таһымнаах күрэххэ – 53 оҕо кыттыыны ылбытыттан, 53 оҕо бириистээх миэстэни ситистэ; 1 миэстэ – 37, 7 миэстэ – 5, 3 миэстэ – 9.
- Бүтүн Россия таһымнаах күрэххэ – 36 оҕо кыттыбытыттан, 27 оҕо бириистээх миэстэ; 1 миэстэ – 15, 2 миэстэ – 1, 3 миэстэ – 11.
- СӨ иһинэн тэриллибит күрэххэ – 182 оҕо кыттыыны ылбытыттан, 138 оҕолор үлэлэрэ бириистээх миэстэни ситистилэр. 1 миэстэ – 61, 2 миэстэ – 50, 3 миэстэ – 27.
- Улуустааҕы күрэхтэргэ 91 оҕо кыттыыны ылбытыттан, 53 оҕо бириистээх миэстэни ситистилэр.
Итини таһынан киин иһинэн үлэлиир “Малая академия наук” эрэгийиэннээҕи салаата буоларбыт быһыытынан, үгүс элбэх оҕо араас таһымнаах научно – практическай конференцияларга ситиһиилээхтик кытталлар. 2016 сылтан Саха Сирин Аччыгый наукатын академиятын региональнай отделенията буолабыт, улууска үөрэнээччилэр чинчийэр үлэлэрин тэрийиигэ улахан болҕомто ууруллар, ону тэҥэ оскуола саастаах оҕолор сатабылларын иҥэриигэ республика киинин кытта ыкса сибээстээхтик үлэлиир.
Сыллата буолар Сахалартан бастакы академик В.П. Ларионов аатынан XXIХ өрөспүүбүлүкэтээҕи «Инникигэ хардыы» эдэр чинчийээччилэр кэмпириэнсийэлэригэр биһиги оҕолорбут ситиһиилээхтик кыттан, уопсай күрэх түмүгүнэн хотугу улуустарга бастакы миэстэни ылла.
Сыл ахсын улуустааҕы, өрөспүүбүлүкэтээҕи “Иннникигэ хардыы” научнай конференцияҕа ситиһиилээхтик кыттыыны ылаллар. Ол курдук, быйыл улуус иһинэн ыытыллыбыт “Инникигэ хардыы” научнай конференция түмүгүнэн өрөспүүбүлүкэтээҕи конференцияҕа 17 оҕо кыттыыны ылла, 3 оҕо онлайн сибээс нөҥүө кыттынна, 8 үлэ үчүгэй сыанабылы ылан, бириистээх миэстэ буоллулар. 3 оҕо үлэтэ российскай НПК -ҕа кыттыыны ыларга ыҥырылыннылар.
- Корнилова Галя – Бүтүн Россиятааҕы “Открой в себе ученого” НПК;
- Другина Рая – Бүтүн Россиятааҕы “Леонардо айар арыйыылары көҕүлүүр” фестивальга;
- Константинова Карина – Бүтүн Россиятааҕы “Наукаҕа бастакы хардыылар” НПК.
- Оскуола иннинээҕи саастаах оҕолорго, бүтүн Арассыыйатааҕы эдэр чинчийээччилэр “Я-Исследователь» научно – практическай конференцияларын, муниципальнай түһүмэҕэр барыта 30 эдэр чинчийээччи кыттыыны ылбыта.
- Өрөспүүбүлүкэҕэ 3 оҕо – Диплом 1 степени, 1 оҕо Лауреат үрдүк аатын ыллылар.
- Өрөспүүбүлүкэтээҕи «Сияние Севера» научно — практическай конференцияҕа 9 оҕо кыттыыны ылбытыттан, 5 оҕо ситиһиилээхтик кытынна. 1 миэстэ – 3, 3 миэстэ – 2.
- “Макаровскай аҕыыларга” 3 оҕо кытынна, 2 оҕо үлэтэ бириистээх миэстэ буолла.
- Өрөспүүбүлүкэтээҕи «Бырааттыы Васильевтар – сырдыгы саҕааччылар, киэҥ суолга сирдээччилэр» научно-практическая конференция 1 оҕо ситиһиилээхтик кытынна.
- III өрөспүүбүлүкэтээҕи «ЮНИКС» научно-практическая конференцияҕа 2 оҕо кытынна, 1 үлэ бириистээх миэстэ буолла.
Оҕо спортивнай оскуолата
Уопсайа 12 үлэhит үөрэх хаамыытын тэрээhинигэр көхтөөх кыттыыны ылар. Ол иhигэр 6 педагогическай үлэһит.
2023-2024 үөрэх сылыгар 7 араас хайысхалаах секция үлэлиир. Бүгүҥҥү күн туругунан, манна уопсайа 188 оҕо дьарыктанар.
Оҕолор доруобуйаларын харыстыыр уонна тупсарар сыалтан улууспут үөрэнээччилэрэ араас спортивнай тэрээһиннэргэ, күрэхтэһиилэргэ көхтөөхтүк кытталлар. Оҕо спортивнай оскуолатын быhаччы тэрийиитинэн улууска үрдүк таhымнаахтык араас тэрээhиннэр ыытыллаллар. Ол курдук оҕолорго тустуу, мас тардыhыыта, теннис уо.д.а күрэхтэр. Үөрэнээччилэрбит улууска, өрөспүүбүлүкэҕэ ыытыллар араас күрэхтэргэ ситиhиилээхтик кытталлар.