Саккырыыр орто оскуолатын муусукаҕа учуутала Алена Слепцова оҕолору кыра эрдэхтэн ырыа кэрэ эйгэтигэр сыҺыаран, талааннарын арыйан сайыннаралларыгар дьулуҺар. «Саас» бэстибээлгэ кини 7 иитиллээччилэрэ кытыннылар.
«БиҺиги ансаамбыл, дуэт уонна соло буолан барыта 4 нүөмэр бэлэмнэммиппит. Оҕолорум аан бастакыларын улахан сыанаҕа тахсыбыт буолан, кыра долгуйуу да баара. Ол да буоллар, сүрдээх үчүгэйдик ыллаан, Лера Степанова, Ариан Ефимов- III истиэпэннээх Лауреат, Айысхаан Никитин — II истиэпэннээх Лауреат, ансаамбылбыт III истиэпэннээх Лауреат буоллубут. Кыра бөлөҕүм бу бастакы улахан күрэскэ холонуулара, онон куҺаҕана суох көрдөрүү. Оҕолорум маладьыастар! Маннык сирэй күрэстэргэ оҕо наҺаа сайдар, уопут ылар, билэрэ — көрөрө элбиир, туҺалаах. Ол иҺин, киэҥ сиргэ кыттар наадалаах. Үөрэҕирии салалтата Петр Потапов өрүү өйүүр, бу да сырыыбытыгар аккаастаабатаҕа уонна оскуола дириэктэригэр Дария Ефимоваҕа махтанабыт. «
Бытантай ымыылара» Аан дойдутааҕы «Саас» фестивальга үрдүк ситиҺиилэннилэр
