Хоту сир олохтоохторо аан дойду таһымнаах, Сахабыт сирин киэн туттар оонньууларын уотун үөрүүлээх быһыыга – майгыга көрүстүлэр.
Эбээн омук сиэринэн аал уот оттон Оонньуулары алҕаатылар.
Уот эстафетатын улуус баһылыга Иннокентий Стручков салайааччылаах бастыҥ көрдөрүүлээх спортсменнарбыт, спорт бэтэрээннэрэ уонна табаһыт оҕолор арыаллаатылар. Үөрүүлээх тэрээһини «Аянеса» оҕо образцовай үҥкүү уонна “Үпэндьэл” эбээлэр ансаамбыллара, Татьяна Старостина киэргэттилэр.
Санатан эттэххэ, «Азия оҕолоро» VIII Норуоттар икки ардыларынааҕы Оонньуулар уоттарын кулун тутар 19 күнүгэр “Өлүөнэ очуостара» национальнай пааркаҕа дьоһун быһыыга умаппыттара. Уот Сахабыт сирин устун барыта 37 000 км. сылдьыахтаах.
Оонньуулар бэс ыйын 25 күнүттэн от ыйын 7 күнүгэр диэри Дьокуускай куоракка ыытыллыахтара.