Атыы – эргиэн киинэ тутулларын хоту улуус олохтоохторо бука бары кэтэһэллэр

Ил Дархан илдьитинэн торговай — логистический кииннэри Арктика бары улуустарыгар киллэрэр туһунан эппитэ. Биһиги улууспутугар бу сүҥкэн суолталаах, үөрүүлээх сонун.

Атыы – эргиэн киинэ итии ыскалааттаах, атыылыыр кииннээх, сибиэһэй оҕуруот аһа, хортуоска хараллар ысыкылааттардаах буолуохтаах. Бу туһунан улуус баһылыга Иннокентий Николаевич Стручковы сиһилии сырдатарыгар көрдөстүм.

  • Атыы – эргиэн киинэ биһиги улууспутугар Бэдэрээччик ХЭТ «УРУС» буолар. 2024 сылга кыһыҥҥы суолунан былааннаммыт тутуу матырыйаала тиэйилиннэ. Тутуу үлэтэ саҕаланан, сири онордулар, турбалары мантаастаатылар, тутуллар дьиэ, тымныы ыскылаат, баһаарынай емкостар  акылааттарын  бетоннааһын кэмигэр түмүктэммитэ.

Кыһыҥҥы кэмҥэ тутуу тохтоон турар. Бу сыл 2 кыбаарталыгар тутуу үлэтэ салҕаныахтаах. «АТЛК» АО  кэлэр сылга кыһыҥҥы суолунан  хаалбыт тутуу матырыйаалын, туттуллар  тэриллэри тиэйиэхтэрэ. Бу улахан тутуу 2025 сыл 4 кыбаарталыгар, ол эбэтэр ахсынньы ыйга түмүктэниэхтээх. Эбийиэк уопсай иэнэ 530.80.м2. Мантан тымныы ыскылаат уопсай иэнэ-188.20м2. буолар.

Ол курдук, хоту улуус олохтоохторо биир сиртэн удамыр сыанаҕа сибиэһэй оҕуруот аһынан хааччыллан, сүрүн аһы-үөлү атыылаһар кыахтаналлара олус үчүгэй. Саха Өрөспүүбүлүкэтин салалтата хоту улуустар хааччыллыыларыгар болҕомто уурара хайҕаллаах.

Улууспут үүнэ-сайда , чэчирии турдун!

 «Биракчаан» медиа — киин кэррэспэндьиэнэ Вова Попов,  9 кылаас.

Читайте дальше