Норуот олоҕо уйгулаах буоларын туһугар дойду салалтата тустаах быһаарыылары ылынан, араас өйөбүллэр киирэллэр.
— Атырдьах ыйын 5 күнүттэн 17 сааһыгар диэри оҕолорго биир кэлим босуобуйа ананыытыгар уонна төлөбүрүгэр көрүллэр быраабыла уларыйар. Босуобуйаны олорор сири ыйыыта суох ылыахха сөп буолар.
— Атырдьах ыйын 3 күнүгэр диэри үрдүк үөрэх кыһаларыгар докумуоннары тутуу түмүктэнэр. Атырдьах ыйын 4-9 күннэригэр үөрэх кыһатыгар киирии туһунан бирикээстэр тахсаллар. Төлөбүрдээх үөрэххэ киирии туһунан сайабылыанньаны атырдьах ыйын 20 күнүгэр диэри биэриэххэ сөп.
— Үлэлиир биэнсийэлээхтэргэ 2023 сылга мунньуллубут баалларын учуоттаан туран, хат ааҕыыны оҥоруохтара. Биэнсийэҕэ эбии чох бырамыыссаланыһыгар урут үлэлээбиттэр уонна летчиктар ылыахтара. От ыйыгар 80 саастарын туолбут биэнсийэлээхтэргэ төлөбүр кээмэйэ 2 төгүл улаатыаҕа.
— Цифровой харчыны нэһилиэстибэ быһыытынан хаалларыахха сөп буолуоҕа.
— Тус олорор дьиэ экологичнай уонна энергоэффективнай өттүгэр ГОСТ киириэҕэ. Бу саҥа судаарыстыбаннай ирдэбилгэ олоҕуран тус олорор дьиэни тутуу хаачыстыбалаах уонна энергоэффективнай буолара ситиһиллиэҕэ.
— “Госуслуги” портал туһанааччылара атырдьах ыйын 1 күнүттэн судаарыстыбаннай уорганнар уонна тэрилтэлэр өҥөлөрүн туһунан кэҥэтиллибит сырдатыыны ылыахтара.
— Атырдьах ыйын 5 күнүттэн бааннар уонна МФО иннигэр иэстээхтэр кэпсэтиилэрэ устуллар уонна 3 сыл харайыллар.