Эбээн Бытантай национальнай улууһа тэриллибитэ 35 сылыгар анаммыт Табаһыттар сүлүөттэрин култуурунай тэрээһиннэр киэргэттилэр
Хотугулуу ырыа түһүлгэтигэр улууспут бииртэн биир мааны куоластаахтаахтара, ырыа куттаах дьоммутун түмтэ. Бу күрэс национальнай улуус буоларбытын кэрэһэлиир эбээн омук култууратын сөргүтүүгэ сүҥкэн кылаатын киллэрбит, Арассыыйа үөрэҕириитин туйгуна, Бочуоттаах үлэһитэ, Саха Өрөспүүбүлүкэтин култууратын үтүөлээх үлэһитэ, Эбээн Бытантай улууһун уонна Березовка сэлиэнньэтин бочуоттаах олохтооҕо Зинаида Платоновна Никулина сырдык кэриэһигэр ананан 5 төгүлүн ыытыллар. Икки түһүмэхтээх, сааһынан арахсан күрэскэ эбээннии уонна кыттааччы талбытынан ыллам ырыа дьиэрэйдэ.
Гала кэнсиэри кырачаан акробаттар имигэс хамсаныыларын нүөмэрэ, «Тугусил», «Аянеса» бөлөхтөр кэрэ үҥкүүлэрэ киэргэппиттэрэ көрөөччүнү манньытта. Айтал Слепцов үөрэн мичилийэн, саҥаран- иҥэрэн дьоро киэҺэни олус сэргэхтик ыытта.
Ол курдук, эдэрдэргэ Гран при хаһаайынынан чугдааркай куоластаах Ольга Попова ылла. Онтон I истиэпэннээх Лауреат үрдүк аатын барыга бары көхтөөх уолбут Илья Колесов ситиһиэн ситистэ. II истиэпэннээх Лауреат Александра Стручкова, II истиэпэннээх Лауреат Варвара Мигалкина буоллулар.
Ырыа хайа да сааска олох бастыҥ аргыһа буолара чахчы. 50-тан үөһээ саастаахтарга Гран при үрдүк аат, эбээннии олус кэрэтик эйээритэн ыллыыр Мария Аммосоваҕа иҥэрилиннэ, I истиэпэннээх Лауреат Татьяна Петрова, II истиэпэннээх Лауреат Анна Потапова, II истиэпэннээх Лауреат Юрий Куприянов буоллулар.
Маны тэҥэ, номинациялар туттарылыннылар:
- «Золотой голос» — Татьяна Старостина;
- «Арктическое звучание» — Михаил Сотрудников;
- «За возрождение песенного наследия Арктики» — Ньургун Боярский;
- «Удачный дебют» — Аскалон Захаров;
- «За волю к Победе» — Марианна Корнилова»;
- «Хранитель традиций» — Николай Иванов;
- «Носитель эвенского фольклора» — Ольга Попова;
- “Приз зрительских симпатий” – Татьяна Старостина;
- Зинаида Никулина аймахтарын анал бирииһин Ольга Попова тутта.
Г