«Арктика десана» уҺук хоту үлэлиир

Бу күннэргэ Дьарҕаалаах бөҺүөлэгэр тиис быраастарын биригээдэтэ үлэлиир.

Бөлөҕү оҕо тииҺин бырааҺа Дарина Константинова салайар.

Любовь Колесова, К.А.Серебрякова аатынан киин балыыһа кыл.бырааһы эмтиир чааска солбуйааччыта: » Тиис быраастарын биригээдэлэрэ бу күннэргэ икки нэдиэлэ устата нэһилиэктэргэ үлэлиэхтэрэ. Тииһи эмтээһин кырата нэдиэлэ устата ыытыллар, оччотугар эрэ түмүктээх буолар. Улуус киинигэр анал үөрэхтээх стоматолог быраас баарынан, ордук наадыйааччылар кытыы нэһилиэктэрбит олохтоохторо буолаллар. «Арктика десана» уопсай көрүү биригээдэтин биһиги олунньу ый бүтүүтэ кэтэһэбит. Бу биригээдэ үс нэһилиэккэ үлэлиэҕэ.»
«Кытыы нэҺилиэк дьоно абыранныбыт аҕай, диэн махтаналлар. Уопсайа 77 киҺи эмтэннэ. Туох баар наадалаах анал тэриллэрин илдьэ сылдьан, маннык уҺук хоту кэлэн миэстэтигэр эмтииллэрэ наҺаа табыгастаах. Түгэнинэн туҺанан, Ил Дархаммытыгар Айсен Сергеевичка бу бырайыагын иҺин махталбытын биллэрэбит», -диэн Клара Стручкова- Захарова кэпсээтэ.
Тиис быраастара салҕыы Кустуур бөҺүөлэгэр олунньу 6-12 күннэригэр үлэлиэхтэрэ.