Бүгүн «Гарпан» этнокултуурунай кииҥҥэ киэһэ 6 чаастан биһиги биир дойдулаахпыт, спорт бэтэрээнэ, норуот эмчитэ Андрей Константинов «Ырыа кынаттаах хоһооннорум” айар киэһэтэ буолуоҕа.
“Мин Дьокуускай куораттан алтынньы 21 күнүгэр дойдубар — Эбээн Бытантайга кэллим. Төрөөбүт дойдум салгынныын ырааһа, айылҕата кэрэтэ киин сиртэн кэлбит киһиэхэ үчүгэйэ сүрдээх.
Бэйэм айар үлэм туһунан кэпсээтэххэ, кэпсээннэри, хоһооннору, ыстатыйалары суруйабын. 2008 сыллаахтан саҕалаан айар үлэнэн дьарыктаммытым.
Ону тэҥэ дьоммун-сэргэбин илбийэн, хааннааһын, түөннээһин ньыматын туһанан эмтиибин.
Бүгүҥҥү ыытыллар тэрээһиҥҥэ – “Ырыа кынаттаах хоһооннорум” айар киэһэбэр күндү биир дойдулаахтарбын ыҥырабын, кэлиҥ, сэргээҥ, күндү ыалдьыт буолуҥ,» — диэн Андрей Васильевич ыҥырда.